Nakin er enginn dónaskapur heldur tilvísun í nöktu konuna sem lærði að spinna. Ég hef lengi horft til hennar með aðdáun og hef reynt að taka hana mér til fyrirmyndar og læra að bjarga mér. Ég er enn að. Upphaflega setti ég þetta blogg upp til þess að gera efni á fyrirlestri um rabarbara aðgengilegt. Fyrirlesturinn var í Árbæjarsafni árið 2011 á degi rabarbarans. Ég endurflutti fyrirlesturinn á fundi hjá Garðyrkjufélagi Íslands árið 2012, með nokkrum viðbótum, sem etv. munu rata hér inn. Auk þess hef ég sett inn efni af fyrirlestri sem ég hélt í apríl 2013 á vegum Matjurtaklúbbs Garðyrkjufélgasins.